Tituli dei Prodi

1.1. Ettore

Ie fuy de Troie nee e fis du roy Priam,

e fuy quant Menelas e la gregoise gans

vindret asegier Troie a cumpagne grant:

la oci - ge .xxx. rois et des autres bien .ccc.;

5

puis moy ocist Achiles ases vilainemant,

denant que Diu nasquit .xi.c.xxx. ans.

Ector

1.2. Alessandro Magno

I'ay ay conquis por ma force les illes d'outramer,

d'Orient iusques a Ocident fu - ge ia sire apeles,

i'ay tue roy Daire li persian, Porus li endian, Nicole l'armires,

la grant Babiloina fi - ge ver moy encliner,

5

e fuy sire du monde, puis fui enarbres,

ce fut .iii.c. ans devant que Diu fut nee.

Alisandre

1.3. Giulio Cesare

De Rome fu - ge jadis enperere et roy;

j'ay conquis tote Spagne, France e Navaroys,

Ponpea, mun sorage, e Casabilion li roy;

la cite d'Alisandra sommis a mun voloyr,

5

[rigo vuoto]

[mort fui denant que Diu nasquit de sans .xl. trois.

Julius Cesar

1.4. Giosuè

Des enfans d'Israel fu - ge fort ames;

quant Diu fist pour miracle li solegl arester,

le flim Iordam partier e pasa - ie la Roge Mer,

le Filestins ne purent cuntra moy endurer.

5

Je ocis .xxxii. roy, puis moy fenir

.xiiii. c. ans devant que Diu fust nee.

Josuee

1.5. Davide

Je trovay son de harpa e de sauterion;

si ay tue Gulias, un grant jehant felon;

en meintes batagles moy tient - on prodons;

apres li roy Saul tienie la region,

5

et fui vray propheta de la incarnacion;

mort fui .viii.c. ans devant que Diu deuenist hons.

Roy Davit

1.6. Giuda Maccabeo

Je viens en Ierusalem en la grant regiom,

e la loy Moises metre a defansiom;

ceous qui adorent les idoles mecreans e felons mi - ge distrucion

encontra heus m'en alay a pou de cumpagnons

5

[rigo vuoto]

E moray .v.c. ans devant l'incarnacion.

Judas Makabeus

1.7. Re Artù

Je fui roy de Bertagne, d'Escosa e d'Anglatere;

cinquanta roy conquis qui de moy tiegnen terre,

j'ay tue .vii. grans jehans rustons en mi lour terre,

sus le munt Saint Michil] un autre n'alay conquire;

5

vis le Seint Greal, puis moy fist Mordre goere,

qui moy ocist .v. c. ans puis que Diu vint en tere.

Roy Artus

1.8. Carlo Magno

Je fui roy emperaire e fuy nee de France;

i'ay conquis tote Espagne e i mis la creanse,

Namunt e Agolant oci - ge sans dotance,

le Senes descunfis e l'armireau de Valence,

5

en Ierusalem remi - ge la creance,

e mors fuy .v.c. ans apres Diu, sans dotance.

Charlemaine

1.9. Goffredo di Buglione

Je fuy dus de Loraine apres mes ancesours

E si tien de Bouglon le palais e le tours;

au plam de Romania i'ay conquis l'esmersours,

li roy [Corbaran oci - ge a force e a stours,

5

Ierusalen conqui - ge au retours

E mori .xi.c. ans apres Nostre Segnour.

Godefroy de Bouglon

Tituli delle Eroine

1.10. Delfile

Deiphile aveques sa suer

Arguie, quy fu de grant cuer,

a l'aide du duc d'Ateinnes

fist a ceulx de Thobes grans peinnes,

5

car toute la cite pillirent

et les citoiens tuerent,

les mures ausi tous abatierent

et de puis la cite ardierent.

1.11. Sinope

[De Femenie fu royne

[Sinope; la terree Boisnie

envay et luy sousmist,

et tant de grans proueses fist,

5

que Ercules, ly fors cumbatons,

n'y pot unques sceorre a temps,

et sceust plus perdu sans faille

s'il eust atendu la bataglle.

1.12. Ippolita

Ypolite et Menalippe

des gans Sinope dessus dicte

furent, et son ost gouvernoient

si valaiment et maintenoient

5

que a Hercules se combatirent

et tant qu'a terre l'abatyrent,

et Theseus, ses bons amis,

ne fu par elles mout mal mis;

or oes merveigllez a dire:

10

ceulx (qu'onque nul ne pot descunfire

non plus que s'ilz fusent de fer

par que comme dit ceulx d'enfer

furent descunfis et batus;

[lacuna di un verso]

15

Et ceulx de Grece] infinis

navres, decopez et finis.

1.13. Semiramide

Semiramis] de Babiloyne

fu dame; desoubz tout le trone

onc tel fame ne vesquy:

Aysse subiuga et vainqui,

5

de midy a setenterion

mist tout a sa subiection,

gent Scicie et gent Barbarie

sousmist tout a sa segnurie,

et Zoroastrun, le for troy,

10

ocist elle par son arroy.

1.14. Etiope

Etiope aquist pour sa guere

et envay Inde, en quel terre,

n'entra onq que Alixandre e elle;

quant la cite sant rabelle

5

son chief lassa a atorner

e s'en ala eulz ordoner,

et le mist en obeisanse

pour son sans e sa vaglanse.

1.15. Lampeto

La terre tient de Femenie

Lampheto avec Marsepie;

Aise, Europe et Epheson

mist tout a sa subiecion,

5

moult de regions subiuga

e mainte cites craventa,

e si fonda maintes noveles

qui encor sunt fortes e belles.

1. 16. Tomiri

Tamaris, la royne des Cites,

qui mout sunt fors gens e despites,

Tirum, roy de Perse e de Mede,

prist e ocist sans nul remede,

5

e de ses gens bien .ii.c. mille;

puis mist la teste en une pille

de sanc pleinne e dist: Â « Boy asses

du sanc dont onq ne fu lasses ».

1.17. Teuca

Teucha, selon les ancians,

regna sur les Yriliens,

gens de mout grant chevalerie.

Mainte terre out en sa segnorie,

5

e aus Romains grans gueres fist

tant qu'en maint liu les desconfist

e de tant acrut sa bunte

que elle vesqui en chastite.

1.18. Pentesilea

La roine de Panthesilee

fu du roy Priam apelle

a secours contre le Gregeois:

si les malmena plusours foys

5

e vaglantement mainteinst la guere;

des plus vaglans d'eulx mist par terre,

ne onques nul ne les greva tant

apres Hetor le combatant.